www.apsnavarra.com   

 

Nafarroako Bigarren Hezkuntzako Irakasle Elkarteak (APS sindikatua) Nafarroako Administrazioko behin behinekoek antzinatasuna kobratzeko egindako helegitea irabazi du.

 

Nafarroako Administrazioarekiko Auzien Auzitegiak, 2009ko Irailaren 4an emandako epaian, antzinatasunaren ordainketa Nafarroako Administrazioaren aldi baterako kontratatuen oinarrizko lansariaren esentziazko eskubidea dela estimatu du.

 

APS Sindikatuaren kabinete juridikoak (ECHAIDE-SAROBE ABOGADOS) epai honen garrantzia azpimarratu du, administrazioaren esparru guztietako (hezkuntza, osasunbidea, administrariak, polizia,suhiltzaileak eta abar) behin behinekoek pairatzen zuten diskriminazioa zuzentzeko aurrekaria baita.

 

APS NAFARROA sindikatua epaiarekin oso gustura dago, hainbeste aldiz baztertua edo kaltetua izan den lanbide kolektibo honekin justizia egiten delako eta Administrazioaren gainontzeko kontratatuen erreibindikazioei bidea urratuko dielako.

 

 

APS